ഹഫ്‌ലത്തുൽ ഖുർആൻ;
സിറാജുൽ ഹുദാ ഖുർആൻ സമ്മേളനം നാളെ

കുറ്റ്യാടി: വിശുദ്ധ ഖുർആൻ പ്രമേയമായി സംഘടിപ്പിക്കപ്പെടുന്ന ഹഫ്‌ലത്തുൽ ഖുർആൻ സമ്മേളനം ജനുവരി 20 തിങ്കളാഴ്ച്ച സിറാജുൽ ഹുദാ വയനാട് കാമ്പസിൽ നടക്കും. സിറാജുൽ ഹുദയുടെ പ്രധാന സംരഭമായ സ്കൂൾ ഓഫ് തഹ്ഫീളുൽ ഖുർആനിൽ നിന്നും ഖുർആൻ പൂർണ്ണമായി ഹൃദിസ്ഥമാക്കിയ 79 ഹാഫിളീങ്ങൾക്ക് സർട്ടിഫിക്കറ്റ് വിതരണവും ഖുർആൻ അനുബന്ധ പഠനങ്ങൾ, ഗവേഷണങ്ങൾ ചർച്ച സംഗമങ്ങൾ തുടങ്ങിയവയും ഹഫ്‌ലത്തുൽ ഖുർആൻ സമ്മേളനത്തിൻ്റെ ഭാഗമാകും.

ജാമിഅ മഹർജാൻ ;
സിറാജുൽ ഹുദാ കോളേജ് ഓഫ് ഇൻ്റഗ്രേറ്റഡ് സ്റ്റഡീസ് കുറ്റ്യാടി കാമ്പസിന് അഭിമാന നിമിഷം

കുറ്റ്യാടി: ജാമിഅത്തുൽ ഹിന്ദ് അൽ ഇസ്ലാമിയ്യക്ക് കീഴിൽ കൊളത്തൂർ ഇർഷാദിയ ക്യാമ്പസിൽ നടന്ന നടന്ന മഹർജാൻ 2025 ൽ സിറാജുൽ ഹുദാ കോളേജ് ഓഫ് ഇൻ്റഗ്രേറ്റഡ് സ്റ്റഡീസ് കുറ്റ്യാടി കാമ്പസിന് അഭിമാന വിജയം.
നൂറിലധികം കോളേജുകൾ പങ്കെടുത്തെ മഹർജാനിൽ സ്ഥാപന ക്രമത്തിൽ രണ്ടാം സ്ഥാനം നേടിയതിനൊപ്പം മുതവസ്വിത വിഭാഗത്തിൽ കൗകബുൽ കുല്ലിയ്യ: പദവി കരസ്ഥമാക്കിയതും വിജയത്തിന്റെ തിളക്കം കൂട്ടി. കാമ്പസിനെ പ്രതിനിധീകരിച്ച് മഹർജാനിൽ മത്സരിച്ച പ്രതിഭകളെ സിറാജുൽ ഹുദാ മാനേജ്മെൻ്റും ഉസ്താദുമാരും അഭിനന്ദിച്ചു.

10 മാസം കൊണ്ട് ഖുർആൻ മനപ്പാഠമാക്കി;
അഭിമാനമായി ശമൽ കുറുവന്തേരി .

കുറ്റ്യാടി: സിറാജുൽ ഹുദാ സ്കൂൾ ഓഫ് തഹ്ഫീളുൽ ഖുർആനിൽ നിന്നും CBSE പഠനത്തോടൊപ്പം 10 മാസം കൊണ്ട് ഖുർആൻ മുഴുവനും മനപ്പാഠമാക്കി മുഹമ്മദ് ശമല്‍ കുറുവന്തേരി. സിറാജുൽ ഹുദാ കാര്യദർശി പേരോട് ഉസ്താദിന്റെയും മറ്റു ഉസ്താദുമാരുടെയും വിദ്യാർത്ഥികളുടെയും കുടുംബത്തിൻ്റെയും സാന്നിധ്യത്തിലാണ് മുഹമ്മദ് ശമൽ ഹിഫ്ള് പഠനം പൂർത്തീകരിച്ചത്. മുഹമ്മദ് ശമലിന്റെ മികവിനെ പേരോട് ഉസ്താദ് അഭിനന്ദിച്ചു.

സിറാജുൽ ഹുദാ ഹഫ് ലത്തുൽ
ഖുർആൻ സമ്മേളനം ജനുവരി 20 ന് .

കുറ്റ്യാടി: വിശുദ്ധ ഖുർആൻ പ്രമേയമായി സംഘടിപ്പിക്കപ്പെടുന്ന ഹഫ് ലത്തുൽ ഖുർആൻ സനദ് ദാന സമ്മേളനം ജനുവരി 20 തിങ്കളാഴ്ച സിറാജുൽ ഹുദാ കാമ്പസിൽ നടക്കും. സമ്മേളനത്തിൻ്റെ സ്വാഗത സംഘ രൂപീകരണ യോഗം എസ് വൈ എസ് സംസ്ഥാന പ്രസിഡന്റ് സയ്യിദ് ത്വാഹ തങ്ങൾ കുറ്റ്യാടി ഉദ്ഘാടനം ചെയ്തു. ഇബ്രാഹിം സഖാഫി കുമ്മാേളി അധ്യക്ഷത വഹിച്ചു.